رايكم ومشورتكم الماليبو 2017

اذا يهمك سعر البيع لاتشتريها
واذا استعمالك زين ومحافظ باذن الله ماتتعبك
وخذ لك لفة عالقطع وشف الاستهلاكية منها ) بواجي ، فلاتر وزيوت القير والماكينة.... الخ )

ومبروك مقدما...

كلمني اخوي يقول ايش رايك بالماليبو قلت له أبعد عنها ماتصلح 

بنفس اليوم وانا طالع الهدا مع الجبل واحصل ماليبو موديل جديد والله العظيم متعطلة وواقفة عندها سطحة بتشيلها

توريس اثبتت جدارتها ولو انها اغلى شوي 

تبغى نصيحة 
ابعد عنها 
خذ تورس والله ما تندم  ( ياخي تحاول تخربه ما يخرب ) 
وقيمتها الان ٢٠١٦ في المعارض ب ٧٩ سياحي واقل
والنص فل ب ٨٣ يجي تشغيل عن بعد وحساسات 
واللي فوقها ب ٨٨ زي كذا يضيفون فتحة وشاشة كبيرة 

إضافة لكلام الإخوان توفر قطع الغيار عند الوكيل ضعيف خصوصا قطع البدي 
من تجربة بشفروليه كروز 
و أنا من رأي الإخوان التوروس أثبت جدارته و انتشاره قوي ووكيل أفضل 
ويتوفر الخليجي منه بالمعارض 2016 ب 80 - 81 ألف أقل فئة 

الماليبو والامبالا الشاعد ربي مصيبه بقطع الغيار كبوت الامبالا فوق5 الاف والصدام الامامي فوق 3 الاف قطع السيارتين نار ادرس موضوع الشراء تمااااام  

انا ما ادري العالم هذي جربت الموتر يوم تذم فيه والا من راسهم ياخوي انا عندي 2013 ماليبو والله وبسم الله وماشا الله ماشكيت منها بيوم وانا رجال راعي خطوط وسفريات وكاد معي الموتر من فضل ربي زي الحلاوة سالفة شفر وسيارتهم تخوف هذي كله كلام فاضي وماله صحه شوف سيارات شفر كيف مغرقة الشوارع ان جيت ع التاهو والا السلفرادو والا الكابرس والا الامبالو والا الماليبو كلها ماشاء الله تبارك الرحمن استخر وان ارتحت اقدم وتوكل على الله ولا هو علشان سيارة والا سيارتين تعطلت نذم شركة كامله فيها غيرها الوف سالكه من غير اي شكوى

سلامات كبوت. سيارة بخمس الاف. لية من ذهب.

عمر افتراضي اطول وجودة عالية وسعر بيع اذا يهمك جيد = تورس
جودة عالية فقط = ماليبو
طبعا اذا بتشتري اقساط التورس افضل من ناحية سرعة التنازل في حال تبي تغير

والله التورس سيارة ماراح تلاقيها زي في نفس قيمتها انصحك تاخذ نص فل تورس

تلاقيها بحدود 95

ماحصلت احد يمدحها
التورس اشوفها دارجه مع الناس
و ولد عمي لها اكثر من سنه
وتردد عليها خط تقريبا 800 كيلو
صراحه ماشوف احد سبها
وانا لو تخيرني بالامريكي
اخذ منتجات فورد ..
وخاصه التورس
ولا اقرب الماليبو ومشتقاتها

وقسما بالله كرهت الشفر بسببها ...
اخذت ماليبو 2015 وصرت عميل للورش الين ماكرهتها واتلفتها وانفكيت منهاااا ..
معي تشارجر قبلها قعدت معي 4 سنوات ومشيت فيها 400 الف ولا عمرهااا شكت

للعلم الماليبوا صناعة كوريه مثلها مثل الاوبترا والافيو والابيكا . لكن شوف الشفر في الامبالا والسوبربان وغيرها . تلاقي جودة الصناعة ممتازه .

الشكل الجديد تجميع امريكي او كندي
المهم ما عاد هو كوري

يبغالها وقت الى ما يثبت وجودة الشكل الجديد
و البدائل المعروفه متوفرة بهذي الفئة من سيارات السيدان
مالها داعي المغامرة

يا اخوان لا تظلمون السياره انا معي 2016 والله ممتازه مافيها عيوب ابد و من ناحيه انها حقت ورش انا ما اصدق هالكلام و اللي يقول شفتها متعطله بالهدا اقوله انا شفت كامري و فورد و جمس بعد متعطل بحكم طلوعي و نزولي مع الهدا اسبوعيا الجو حار و بعض الناس الله يصلحهم ما يشيكون ع سيارتهم خذوها قاعده تدلع السياره تدلعك تهلكها تهلك السيارات الجديده بصفه عامه تحتاج لصيانه دوريه مثل غيار الزيوت بانتظام
اخوي صاحب الموضوع قبل تشتري حاول تسوي مقارنه بينها و بين فئتها من السيارات شوف انت وش تبي من السياره بالضبط شوف كم سنه تبيها تجلس معك و استخير والله يكتب لك الخير

و بالنسبه للقطع فهي امريكي gm اما البدي و التجميع فهو كوري

ما انصحك والله ابدا 
لا تقرب عليها 
قطع نااااار واذا ما كنت بجدة او الرباض رح تتعب بالقطع 
ما نختلف انه السيارة قوية وعزمها ما شاء الله قوي بس السيارة 
حساسة جدا يعني ما تتحمل كرف وطبعا تعرف شوارعنا ما شاء الله